Haurtzaindegia

Gure txikiei lehen pausoak ematen laguntzen diegu eta haien beharrak eta aukerak kontuan izaten ditugu.

0-6  urte bitarteko epea oso garrantzitsua da pertsonaren garapenerako, urte horietan baitu iragazkortasun handiena.

  1. Lasai egoten eta seguru sentitzen laguntzen dieten oinarrizko ohiturak lantzen ditugu.
  2. Haien garapen orokorraren eta etorkizunekoaren oinarri diren zentzumenen eta mugimenaren garapena, koordinazioa eta trebetasun fisikoak lantzen ditugu
  • Bizikidetzan sortzen diren erreakzio eta behar afektiboei eta besteekin harremanetan jartzeko beharrei erantzuten diegu
  • Garapen kognitiboa estimulatzen dugu, bai neurologikoki (neuronen arteko konexioak) baita adimenarekin eta sormenarekin loturiko alderditik ere (hiztegia, datuak, jarrerak).

Haurtzaindegia

Bizikidetzan sortzen diren erreakzio eta behar afektiboei eta besteekin harremanetan jartzeko beharrei erantzuten diegu

Garapen kognitiboa estimulatzen dugu, bai neurologikoki (neuronen arteko konexioak) baita adimenarekin eta sormenarekin loturiko alderditik ere (hiztegia, datuak, jarrerak).

Haurrak oinarrizko prozedura akademikoekin harremanetan jartzen ditugu, garapen erritmo ezberdinak errespetatuz eta motibazio positibo eta goxoarekin lan egiten.

Hori guztia inguru berezi batean lantzen da, non elkarrekin jorratzen diren alderdi kolektiboa eta indibiduala, ludikoa eta formala, berezkoa eta zuzendua. Azken batean, etapa honetan helburua da ikasleek baliabide egokigarriak eta autonomia izan dezatela biziko duten ziklo berriari aurre egiteko eta nortasun baloreetan hezteko.

HEZKUNTZA-PROIEKTUA

La Salle Legazpi Haur-Eskolak La Salle Ikastetxeen hezkuntza-proiektuak gauzatzen ditu, baina era berean, bere identitate propioa finkatu du, ikasleen premiaketa ingurugiroa kontuan hartuz.

Gure Hezkuntza-proiektua dokumentu irekia, gaurkotua, bizia eta malgua da, inguratzen gaituen errealitatea bezala. Gure profesionalak informatuta eta koordinatuta daude, haurraren garapen egokia sendotzeko eta ondorengo ikasketen arrakasta bermatzeko.

0-2 URTEKOEN LANA

Aldi honetan gure helburu nagusia haurraren zoriontasuna eta garapen pertsonala da. Hori lortu ahal izateko, ezinbestekotzat jotzen dugu familiarekin harremanetan eta elkarlanean aritzea, horrek ziurtatuko baitigu haurraren afektibitatearen, auto-estimuaren, adimenaren eta sormenaren garapena.

2 URTEKOEN GELA:

2 urteko ikasleentzat, Ulises izeneko laguntza goiztiarreko metodoa erabiltzen dugu, beste La Salle ikastetxeekin koordinaturik. Ulises estimulazio goiztiarreko programa da, eta helburu hauek ditu:

  1. Burmuin-garapena indartzea.
  2. Kuriositatea piztea.
  3. Arreta-gaitasuna hobetzea.
  4. Hiztegia aberastea.

Gure ikasketa-metodoa ikusmen, entzumen, irakurmen eta ezagumen-loturan oinarritzen da. Adimen-bit batzuek osatzen dute metodoa: haurrari ezagupen berriak ematen zaizkio gaika antolaturik dauden argazki batzuen bidez.

Estimulazio motorraren alorrean, psikomotrizitate-zirkuitoak egiten ditugu haurrak bere gorputza kontrolatzen ikasi eta lateralitate egokia gara dezan.