Plataformak

 

 

 

Azken berriak

 

2017, Otsailak

 

The Orchestra

 

1.mailako ikasleek musikari buruzko proiektu bat aurrera eraman dute ingeleseko saioetan. Instrumentuen ezaugarriei buruz eta beraien kokapena orkestra batean ikasi dute. Baita musikari famatu batzuen lanaz gozatu ere. Bukatzeko proiektua Rossiniren "gallop" izeneko pieza famatua interpretatu zuten.

Look at our little musicians!

2017, Urtarrilak

 

La Salle Legazpik Bakearen Eguna ospatu du emakumeen aurkako indarkeriaren bukaera aldarrikatuz

 

Aurreko urteetan bezala, erresistentzia baketsuaren eta biolentzia ezaren irudi den Mahatma Gandhiren heriotzaren urteurrena gogoratuz, La Salle Legazpik Bakearen Eguna ospatu du gaur.

 

Edizio honetako gai nagusia emakumeen aurkako indarkeriaren desagerpenaren aldarrikapena da. Ikasleakhainbat ekintza egin dituzte eskolan eta goizerdian, 11:30ean, Zelai Arizti Parkera hurbildu dira. Gaztetxoek parkeko zuhaitzetatik genero biolentziaren kontrako leloak eta horma-irudiak zintzilikatu dituzte. Txikienek lorategia apaindu dute landare eta marrazkiekin, tratu txarren gaitzespen keinu gisa.

 

Ekintzari amaiera eman zaio manifestu bat irakurriz eta Mikel Markez eta Aire ahizpen “Konplize ditut eta” abestia kantatuz.

 

Modu honetara, La Salle Legazpik bat egin du Unescoren aitortza duen eta 1964tik ospatzen den Bakearen eta Biolentzia ezaren Eskola Egunarekin.

2017, Urtarrilak

 

Ainhoa Elorza: “Larunbat honetan makrofesta batekin ekingo diogu Izartxo aisialdi proiektuari”

 

La Salle Legazpik larunbat honetan jarriko du martxan Izartxo proiektua eskolako patioan egingo den makrofestarekin. Ainhoa Elorza irakaslea da egitasmoaren koordinatzailea eta berari galdetu diogu zertan datzan.

 

Zer da zehazki Izartxo proiektua?

 

La Salle sarera atxikituta gauden ikastetxeotan garatzen dugun aisialdi proiektua da. Beste hainbat eskolatan urteak daramatzate egitasmoarekin eta guk orain jarri dugu martxan uste dugulako heziketa proiektuaren osagarri dela.

Ekintza ezberdinak antolatu ditugu urtarriletik ekainera bitartean.

2016, Abenduak

 

Ikasturte berria, aldizkari berria

 

Ikasturte honetan, "Gure eskola.com" aldizkarian aldaketa batzuk sartu ditugu. Nabarmenak hiru dira: Aldizkakotasunean, lauhilabeteko publikazioak egingo dira (hiru urtean); Formatuan: kolorez, erakargarriagoa eta era digitalean atal interaktiboak izango dituelako (inprimatu dezakezue); Hizkuntzetan, euskarazko eta gaztelaniazko bertsioak izango dituzue eskuragarri. Zuen gustukoa izatea espero dugu!

 

Aldizkaria ikusteko hemen klikatu

2016, Abenduak

 

La Salle Mendi Taldea Irimora igoko da Egea eta Kortazar atletekin eta han jaiotza jarriko dute

 

Igande honetan, hilaren 18an, La Salle Mendi Taldea Irimora igoko da eta mendizaleek tontorrean jaiotza jarriko dute. Jada tradizio bihurtu da urteroko irteera hau. Jaiotza jarri ostean, Meakako elkartean hamaiketakoa egingo dute partaideek urtea agurtzeko.

 

Oraingoan gainera mendiko lasterketetan ibiltzen diren eliteko bi atletekin egingo dute igoera. Aritz Egea eta Oihana Kortazarrekin, hain zuzen. Pozik hartu dute Irimora joateko gonbidapena eta horretxegatik omenalditxo bat egingo zaie. Aurtengo azken irteera izango da igandekoa.

2016, Abenduak

 

Ipuinak kontaketaren xarma

 

LH 1eko ikasleak Zumarragako Liburutegian izan berri dira ipuin kontaketa saio batez gozatzeko. Liburutegia ezagutzeaz gain, ipuin kontalari bat zuzenean entzuteak duen xarmak ez duela inor desengainatuta uzten ikusi zen. Amaiera arte aho zabalik mantentzea lortu zuen kontalariak eta orain haurrek badute besteei kontatzeko ipuin bat. Gabriel Arestik zioen “nire poesia oso merkea da, herriaren ahotik hartu nuen debalde, eta debalde ematen diot herriaren belarriari”. Ipuinak ere bizirik mantentzen dira ahoz aho ibiliz gero, horregatik orain umeak ipuinaren antzezpena lantzen ari dira.

Multimedia

 

Estekak:

LaSalle

Izartxo

 

 

Mendi Taldea